Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Сахна саңлағы Серке Қожамқұлов

22.04.2021 805

Сахна саңлағы Серке Қожамқұлов

Қазақстан Республикасының Ұлттық музейінде ҚазССР Халық әртісі, Социалистік Еңбек Ері Серке (Серәлі) Қожамқұловтың 125-жылдығына арналған «Қазақ сахнасының ірі тұлғасы» атты көрменің салтанатты ашылу рәсімі өтті.

Көрменің мақсаты: кәсіби ұлттық театр өнерінің негізін қалаушылардың бірі Серке Қожамқұловтың бейнесін жаңғырту, театр тарланының шығармашылық өмір жолын өскелең ұрпаққа насихаттау.

ҚазССР Халық әртісі, Социалистік Еңбек Ері, кәсіби қазақ театрының негізін қалаушы Серке (Серәлі) Қожамқұлов 1896 жылы 5-мамырда дүниеге келген. Серке Қожамқұлов әлем әдебиеті мен қазақ классиктерінің шығармаларын сахнадағы жарқын бейнелерімен көрерменнің жүрегінен орын ала білді. Сыншылар Серкенің «кішкентай адамдардың» образдарын жасаудағы шеберлігін, оның күлкілі мазмұнын да, ішкі күйлерінің трагедиясын да жеткізу шеберлігін талай рет жазған еді.

1981 жылы Арқалық қазақ музыкалық драма театрына Серке Қожамқұловтың есімі берілді. 1988 жылы Торғай облысының жабылуына байланысты театр Қазақ КСР-ы Министрлер Кеңесінің шешімі бойынша Жезқазған қаласына қоныс аударды. Арқада дүниеге келіп, есейіп, ер жету кезеңі Жезқазған жерінде жалғасқан драма театрына биыл 40 жыл толып отыр.

Айтулы датаға орай, Қарағанды облысы Мәдениет, архив және құжаттама басқармасы С.Қожамқұлов атындағы Жезқазған Қазақ музыкалық драма театры ҚР Ұлттық музейімен бірлесе отырып, «Қазақ сахнасының ірі тұлғасы» көрмесін өткізді.

Экспозициядан театр саңлағы С.Қожамқұловтың фото суреттерін, қазір құнды жәдігерге айналған әртістің жеке бұйымдарын тамашалай аласыздар.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Көп оқылғандар