Күлайхан Рахмет - 1987 жылдың 28 мамырында Шығыс Түркістанның Алтай аймағы Көктоғай ауданында дүниеге келген. Журналист, ақын, Абай атындағы ұлттық педагогикалық университетінің халықаралық журналистика мамандығын тамамдаған. Алматы қаласында «Түрік әлемі» халықаралық газетінде журналист, Астана қаласында «Түгел» медиа-холдингінде «Қазанат» және «Құлыным» журналдарының орынбасар редактор қызметін атқарды. Сондай-ақ Манаш Қозыбаев атындағы Солтүстік Қазақстан мемелекеттік университетінде магистратураны аяқтап, осы университетте журналистика кафедрасының оқытушысы қызметін атқарған. Ол ҚР журналистер одағының, Қазақстан жазушылар одағының мүшесі, әлеуметтік ғылымдар магистрі.
«Еркелет мені...» жыр жинағының авторы. Өлеңдері, әңгімелері газет-журналдарда, жыр жинақтарда, республикалық басылымдарда жарық көріп келеді. Қазіргі таңда Л.Н.Гумилев атындағы Еуразия ұлттық университетінің PhD докторанты.
