Ақын, жазушы Оспанәлі Иманәлиев 1927 жылы 21 желтоқсанда Жамбыл облысы Талас ауданы, Ойық ауылдында дүниеге келген. 1948 жылы Жамбыл зоотехникалық-малдәрігерлік техникумын, 1963 жылы Қазақ ұлттық университетінің филология факультетін бітірген. 1948-58 жылдары алғашқы мамандығы және партиялық басқару қызметінде жұмыс істеген. 1963-1991 жылдары Социалистік Қазақстан (қазіргі Егемен Қазақстан) газетіннде және Ара журналында қызмет істеген. «Тұңғыш кітап» (1963), «Отан ұлы» (1964), «Тайға міндім» (1965), «Қызыл жалау» (1967), «Сәуір» (1971), «Май – мамыр» (1975) атты өлеңдер жинағы, «Бұйрық пен сыйлық» (1966), «Безбүйрек» (1968), «Соқырішек» (1973), «Сыңар кебіс» (1977), «Егізбүйрек» (1977) деген әзіл-сықақтары, «Байқадам» (1980) повесі, «Жаннат жер» таңдамалысы жарық көрді. 1980 жылы «Ылғалсыз көктем», 1995 жылы «Аққайың жарды бүршігін» кітаптары жарияланды.
1997 жылы Тараз қаласында өмірден өткен.
