Естай Мырзахметов
Мырзахметов Естай (1927, Бурабай ауданы Жарқайың ауылы – 2008, Көкшетау қаласы) – жазушы, публицист, Қазақстан Жазушылар одағының мүшесі (1973), Көкшетау қаласының Құрметті азаматы (2001). әл-Фараби атындағы ҚазҰУ-ды бітірген (1954). «Лениншіл жас» (қазіргі «Жас Алаш») газетінің Көкшетау және Солтүстік Қазақстан облыстары бойынша меншікті тілшісі (1954 – 66), «Көкшетау правдасы» газеті редакторының орынбасары (1966 – 68) болып қызмет істеді. Мырзахметов алғашқы очеркін мектеп қабырғасында жүргенде жазып, ол «Пионер» журналында басылған (1949, шілде). Ауыр науқасқа шалдығып, төсек тартып жатса да Мырзахметов «Он бес жыл өткен соң», «Медет» романдарын, «Хайроштың аманаты», «Қара жолдың бойында» повестерін, 100-ге тарта әңгімелер мен новеллалар жазды. Мырзахметов аудармамен де айналысты, оның тәржімалауымен ұлы даниялық жазушы Мартин Андерсен Ненсенің «Жаннета» романы, Ханс Кристьян Андерсеннің «Сандық-самолет» ертегілер жинағы, татар жазушысы Шәміл Умановтың «Торғай даласында» атты повестер мен әңгімелер жинағы, Юрий Корольковтың «Кио Ку Мицу» шығармасы қазақ тілінде жарық көрді. Мырзахметов публицист ретінде де кеңінен танымал, ол Ақан серінің, Біржан салдың, Балуан Шолақтың, Үкілі Ыбырайдың, т.б. өмірі мен шығармашылығы туралы зерттеу очерктерін жазды. «Қазақстанның еңбек сіңірген қызметкері» белгісімен марапатталған.
Көп оқылғандар
«Жетісу көктемі» мәреге жетті
Қуандық Түменбай. Көк кептердің көргені
Қайран, біздің Антон Павлович
Жүрсінге жүгінетін шығармыз...
Аядай бұлақ деседі... (Аягөз ауданы һақында)
Ерлан Жүніс: Өліара
Биылғы үздік әдістемелік анықталды
Қуаныш Ілиясұлы. Анам мен арша
«Ақбілек» романындағы прототиптер
Қазақ поэзиясының құс қанатты құбылысы
Әнші Әміре
Әбіш Кекілбаев. Гамлеттің монологі
Константин Паустовский. Жеделхат
«Жетісу көктемі» мәреге жетті
Айгүл Үсен. Кішкентай адам – рухы әлсіреген қоғамның жемісі
Таласбек Әсемқұлов. Сұлулықта ояну
Жүйрігін баптаған қазыналы жазушы
Фантастика – әдебиеттің түп атасы
Көңіл күнделігі: Әмірханның қазасы
Годоның жұмбағы
Фариза Оңғарсынова және Майя Анжелу: феминистік көзқарас
Сенім үшін сезіммен серттескен ақын!