Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
«Тұмар» Ұлттық телевизиялық бәйгесіне қатысуға өтінімдер қабылдау басталды

23.01.2018 1823

«Тұмар» Ұлттық телевизиялық бәйгесіне қатысуға өтінімдер қабылдау басталды

ҚР Ақпарат және коммуникациялар министрлігінің Баспасөз қызметі хабарлағанындай, 18 қаңтардан бастап II «Тұмар» Ұлттық телевизиялық бәйгесіне қатысуға өтінімдер қабылдану жүріп жатыр.

Байқауға 2017 жылы эфирге шыққан бірегей теледидарлық жобалар қатыса алады. Жүлдеге ұлттық және аймақтық телевизиялық компаниялар, студиялар, продюсерлік орталықтар және теледидарлық контент шығаратын басқа да медиа-индустрия мекемелері үміткер бола алады.

Үміткерлердің өтінімдері 1 – наурызға дейін қабылданады.

Биылғы жылы жеңімпаздар келесі номинациялар бойынша анықталады: үздік деректі фильм, үздік телехикая, үздік әлеуметтік жоба, үздік ақпараттық бағдарлама, үздік аймақтық телеарна, үздік білім беру бағдарламасы, телевизиялық маусымның үздік оқиғасы, «телевияға 60 жыл» - телевизия дамуына қосқан үлесі үшін және үздік ойын-сауық жобасы.

Сонымен қатар, үздік режиссерлік жұмысқа, үздік операторлық жоба үшін, жылджың үздік тележүргізушісіне және үздік тележурналистке де арнайы жүлделер тағайындалған. Еліміздің бас қаласы Астананың 20-жылдық мерейтойына арналып, «Астана туралы үздік жоба» номинациясы бойынша жүлде беріледі.

Лауреаттарды ұсынылған материалдардың сараптамалық қорытындылары негізінде жүргізілетін қазылар алқасының жабық түрде дауыс беруі анықтайды. Қазылар алқасы қазақстандық телевизияның білікті мамандарынан құралады.

«Тұмар» ұлттық телевизиялық бәйгесі Қазақстан Республикасының Ақпарат және коммуникациялар министрлігі тарапынан еліміздің ең жоғары сапалы және заманауи теледидарлық мазмұнын анықтау, талантты мамандарды қолдау, отандық телевизия мазмұнын жетілдіруге және қазақстандық жоғары сапалы теледидарды дамытуға ынталандыру мақсатында құрылған.

Бәйге ұйымдастырушысы - «Қазмедиа орталығы». Толығырақ: http://tumar.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: «Тұмар», Ұлттық, телевизиялық, бәйгесіне, қатысуға, өтінімдер, қабылдау, басталды
(0)
Пікір қалдыру:
Captcha

Көп оқылғандар