Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Біз - Ұлы көшпенділер мәдениетінің тікелей осындағы өкіліміз

24.11.2018 1975

Біз - Ұлы көшпенділер мәдениетінің тікелей осындағы өкіліміз

Мемлекет басшысының былтырғы жылы жарық көрген «Болашаққа бағдар: рухани жаңғыру» бағдарламалық мақаласының жалғасы болған «Ұлы Даланың жеті қыры» атты мақаласы ерекше ой салып, асқақ шабытымызды оятты десек болады. Елбасы біздің ежелгі мәдениетімізге, ежелгі өркениетімізге оралу, қайтып бару керек дегенді айтып отыр. Сонау Алтын Орда дәуірінен бастап қалыптастырған өркениетімізді қайта ой елегінен өткізіп, жаңғыртуға баса мән берілгені қуантады. Өйткені, біз жоқтан пайда болған ел емеспіз. Біз үш мың ғасырға созылған Ұлы көшпенділер мәдениетінің тікелей осындағы өкіліміз, Түрік империяларының ұрпағы болып саналамыз.

Президентіміз бұл мақалада атқа отыру мәдениетінен бастап, ежелгі «аң стилі» өнерін тілге тиек етеді. Ұлы Жібек жолы – біздің кең-байтақ жерімізден өтіп, дүниежүзін байланыстырған әлемдегі өркениеттердің қалыптасуына айрықша үлес қосқан жол еді. Тарихи сананы қайта жаңғырту жөніндегі пікірін айта келе, нақты жобарларды ойластыруға идея тастауы, «ұлт тарихын санаға сіңіру барша қазақстандықтардың бойында өз бастауларына деген ортақтық сезімін қалыптастырады» деген сенімі баршамызға жауапкершілік жүктеді.

Өткенімізді білмей, болашағымызға бір қадам жақындай алмайтынымыз анық. Біз, осыған дейін экономикамыздың дамуы, гүлденуі жолында еңбек етсек, ендігі жерде түп-тамырымызға қайта келіп, шын мәніндегі рухани жаңғыруға аяқ бастық. Кешегі айтқан рухани жаңғыру, ұлттық код идеяларының жалғасы болған мақаламен толық танысып, барлық тарау-тармақтарын оқи келе, бұл мақаланың жарияланғанына қуанып отырмын.

Серік Ақсұңқарұлы,

ақын, Қазақстанның еңбек сіңірген қайраткері


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


Теги: ұлы даланың жеті қыры
(0)
Пікір қалдыру:
Captcha

Көп оқылғандар