Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Әлібек Байболдың «Үн... Түн...» атты микро-әңгімелер циклы

23.10.2019 753

Әлібек Байболдың «Үн... Түн...» атты микро-әңгімелер циклы

Басеке

Қызметкер:

– Бүгін ол жұмысқа келе алмайды.

Бастық:

– Неге?

Қызметкер:

– Қайтыс боп кетті.

Бастық:

– Онда *«срочна» басқа адам іздеңдер.

*Дұрысы – срочно.

Романтик

– Сұлусың! – деді күйеуі.

Әйелі ашуланып ыдыс-аяқты шаға бастады. Жұдырықтап та жіберді, жұбайын. – Ажырасамын! Осымен бәрі бітті.

– Сұлусың! – деді күйеуі. – Некемізді періштелер қиып еді ғой, есіңде ме?

– Кетші, сандырақтамай! – деп бір тепті, қатыны.

– Сұлусың! – деді күйеуі.

Ертек

Ерте, ерте, ертеде... Ешкі жүні бөртеде... Сонау XXI ғасырда ерлі-зайыптылар дәурен шегіпті. Бір қызығы – ұрсыспапты, бірақ та. Өйткені, еркек түнде әйеліне ертек айтып береді екен. Сол себепті де, өздері – сәнді, өмірлері – мәнді болыпты. Болыпты... болыпты.

Жақсылық

Әуесқой футболшы:

– Менде... Сізге беретін тиын-тебенім жоқ. Бірақ, темекім бар. Шегесіз бе?

Қайыршы:

– Бір темекі берсең.

Әуесқой футболшы:

– Біреу емес, екеу алыңыз.

Қайыршы:

– Жоқ-жоқ, біреу ғана. Негізі, қойып кеткенмін. Күніне біреуін шегетінім бар.

Әуесқой футболшы:

– Мінеки!

Қайыршы:

– Жолың болсын!

Әуесқой футболшы:

– Әумин!

Амнезия

– Бүгін Әпитөктің туған күні!

– Әпитөктікі... Үшәкәйдің үйлену тойынан... 7 күн өткеннен... кейін емес пе еді?

– Дұрыс қой, енді. Одан бері 7 күн өтіп кетті ғой.

Тұрақсыздық

Науқас:

– Махаббат дертінен емделмесем не болар екен?

Дәрігер:

– Өліп кетуіңіз мүмкін.

Науқас:

– Онда, тезірек «укол» салыңыз, тезірек, тезірек.

Түсініксіз күй

– Қуансаңшы, енді! – деді психиатр.

– Қуанып тұрмын ғой! – деп егілді, псих.

Жұмақ

– Келесі аялдамадан түсемін! – деді Жолаушы.

– «Конечныйға» жеттік! – деді Кондуктор.

Дауыс

Шыңырау түбінен шыңғырған дауыс естілді. Әйелдің... даусы... шығар. Ащы екен. Соған қарай құлап барамын. Көкірек тұсым біртүрлі боп кетті. Түсім... емес, өңім де... емес.

Білім жүйесі

Ана:

– Бүгін 31-ші желтоқсан!

Бала:

– Ертең 32-ші желтоқсан ба?

Жады

Бүгін нағашы апамның туған күні еді. Ертең дүниеден өткен күні.

Кино

Жігіт:

– Кешіріңіз, атыңыз кім?

Қыз:

– Сәуле ғой деймін.

Мың бір түн

Бастық өзін бақытты сезінді. Орынбасары – бақытсыз. Хатшысы – бірде бақытты, бірде бақытсыз...

Пайда

Жазушы:

– Роман жазғым келеді.

Базарком:

– Қаншаға сатасыз?

Жазушы:

– Роман...

Базарком:

– Роман деген бала туралы ма?

Жазушы:

– Роман...

Жалғасы

Жазушы:

– Роман сатамын. Тегін сатамын!

Омматидий

Жігіт:

– Көздеріңіз әдемі екен. Бота көз.

Қыз:

– «Хрустальный» ғой.

Гипноз

Түс көрдім. Түсімде іс...

«Барахолка»

Сатушы:

– Бақыт сатамын, бақыт! Кім алады? Бақыт сатамын, бақыт!

Алушы:

– Килограммы қаншадан?

Сатушы:

– 7000 теңгеден.

Алушы:

– Маған бір килограммын өлшеп берсеңіз.

Сатушы оның бетіне бір қарап:

– Сізге қарызға берейін.

Летаргия

Немересі:

– Ол өліп қалды!

97-дегі атасы:

– Ештеңе етпес. Қазір оянар.

Не үшін, сонда?

Сұрады... құрады... жығылды... тығылды... не үшін, сонда?

ЕҺ-Һ-Һ-Һ-Һ

– Тойға қаншадан жинаймыз, жігіттер?

– 7 теңгеден.

Сиам егіздері

– Маған қара түс ұнайды. Саған ше?

– Ақ!

Еңлікгүл

Ол жаққа жете алмадым, алтыным. Кешірші. Бірақ, мен Сені сүйемін. Шын сүйемін...

Көрнекі сурет: Грузин суретшісі Эмзар Кикнавалидзенің картинасы.


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Көп оқылғандар