Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Адамзат тарихы білім мен апаттың бәсекесіне айналып барады

27.08.2019 531

Адамзат тарихы білім мен апаттың бәсекесіне айналып барады

Америка жазушысы Теодор Драйзербылай депті:

Біздің заманымызда сөз қылар ештеңесі жоқ адам ғана өсекке ілінбейді.

***

Тірі жан атаулыда әйел тек әйелден ғана қорқады, қорыққанда да ақылдысы мен сұлуынан.

***

Жоқ, жан шошырлық жағыдайға тап болмай тұрғанда,

ақшаның бәрін көйлекке жұмсап үлгеру керек!

***

Бай адам қоңыраулы мысық секілді: тышқандар оның қайда, не істеп жүргенін біліп отырады.

***

Үлкен ақыл иелерінің өмірін де сұрқай бояулар бүркейтін сәттер болады.

***

Ол осы арадан нүкте қою керек дегенге өзін тағы сендірді.

Сөйтіп бұл ішкі тартыс мәңгілікке ұласты.

***

Сіз ағашқа қарап тұрып оның алыптығы мен күшіне қайран қаласыз,

ал кішкентай гүлді қош иістен басқа берері жоқ деп сөге көрмеңіз.

***

Төменге кететін жолда аялдама аз болады.

***

Өнер – жанның табан ет, маңдай термен сығып алған шырыны.

***

Қысқасы, өмірдегі басты нәрсе – сол өмірдің өзі.

***

Сөз – баста быжынап жатқан сансыз ойдың күңгірт көлеңкесі ғана.

***

Алтын креслода отырып күйіп кетуге кім келіспесін?

Ағылшын жазушысы Уэльс Герберт деген екен:

Таңертең тұрған соң сол күнге тиесілі жазуыңызды жаздыңыз, содан соң барлық хатқа жауап бердіңіз, енді екі қолыңыз алдыңызға симай ерігіп отырсыз – ішіңіз пыса бастады.

Міне, бұны махаббатқа арналған уақыт дейміз.

***

Адамзат тарихы білім мен апаттың бәсекесіне айналып барады.

***

Уақыт машинасы әрқайсымызда бар: өткен шаққа – естелік, болашаққа – арман апарады.

***

Жарнама – заңдастырылған өтірік.

***

Өзгеріс жоқ, тіпті өзгерісті қажетсінбейтін жерде ақыл өледі.

***

Өмірдің әр секундындағы ғажайып пен құпияны сағат пен күнтізбенің көлегейлеуіне жол бермеңіз.

***

Егер біз соғысты жоймасақ, соғыс бізді жояды.

***

Мынадай тамаша ауа-райында жерде тастап кеткен адам – нағыз ақымақ!

Тәржіман: Нұрлан Қабдайұлы


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.


(0)
Пікір қалдыру:
Captcha

Көп оқылғандар