Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Жанрлар
Қазақтың 100 поэмасы
Қазақтың 100 поэмасы

«Қазақтың 100 поэмасы» сериясының 1-ші кітабында ХІХ ғасырдағы және ХХ ғасырдың бас кезіндегі дастандар мен ұлы Абайдың және оның шәкірттерінің поэмалары енгізілді. «Қазақтың 100 поэмасы» жинағының екінші кітабына Мәшһүр Жүсіп Көпейұлының діни дастанынан бастап, қазақтың тұңғыш журналының редакторы Мұхамеджан Сералиннің, поэма жанрын жаңа мазмұнмен, эстетикалық бітіммен байытқан ақындар Мағжан Жұмабаев, Ілияс Жансүгіров, Сұлтанмахмұт Торайғыров, Сәкен Сейфуллиннің туындылары, Сәбит Мұқановтың «Сұлушаш» романы, сондай-ақ ХХ ғасыр басында ғұмыр кешкен халық ақын дарының тарихи дастандарды енгізілді. Қазақ поэмаларының үшінші кітабына белгілі қаламгер Сапарғали Бегалиннің «Тасарал» атты тарихи поэмасынан бастап дауылпаз ақын Иса Байзақовтың, майдангер ақындар Әбу Сәрсенбаев, Жұмағали Саин, Қасым Аманжолов, Жұбан Молдағалиев, Хамит Ерғалиев, т.б. көрнекті ақындардың әдебиетімізге олжа салған туындылары топтастырылды. Қазақ поэмаларының төртінші кітабында Тұрсынхан Әбдірахманова, Мұзафар Әлімбаев, Е.Ибраһим, Ізтай Мәмбетовтің поэмаларынан бастап, ХХ ғасырдың 60-жылдарында қазақ поэзиясына жаңа серпін әкелген Мұқағали, Жұмекен, Қадыр, Төлеген, Олжас сынды көрнекті поэзия өкілдерінің эпикалық поэзия жанрындағы туындылары топтастырылды. Қазақ поэмаларының бесінші кітабына ұлттық поэзиямыздың көрнекті өкілдері Фариза Оңғарсынова, Мұхтар Шаханов, Кеңшілік Мырзабеков, Әбдірәштің Жарасқаны, Темірхан Медетбек, Иран-Ғайып, Серік Ақсұңқарұлы, Ұлықбек Есдәулет, т.б ақын дардың сан алуан тақырыпты арқау еткен эпикалық туындылары кіргізілді. «Қазақтың 100 поэмасы» сериясының алтыншы кітабына қазақ поэзиясына поэтикалық қуаты жоғары, тегеурінді жырларымен олжа салған ақындармен қатар кейінгі буын өкілдерінің поэмалары топтастырылды. Бұл поэмалар өткен дәуірлердегі аңыздық, тарихи оқиғалардан бастап бүгінгі күннің шындығын, жалпыадамзаттық мәңгілік мәселелерді көркем де бейнелі тілмен танытып, оқырманына ой тастауымен маңызды.

Көп оқылғандар