Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Блогтар
Қазақ әдебиеті және мәдениетінің шетелдегі отызыншы орталығы ашылды

БЛОГТАР

28 ақпан 2019
150
0

Қазақ әдебиеті және мәдениетінің шетелдегі отызыншы орталығы ашылды

 

Бүгін  Ресейдегі Алтай Республикасының Горно-Алтайск қаласындағы М.В.Шевалков атындағы Ұлттық кітапханада Қазақстан әдебиеті және мәдениеті орталығы ашылды. Бұл осымен отызыншы орталық болып отыр.       

 

Бұл жобада кітапханалық және ақпараттық қызметтер, электронды ресурстар мен сандық кітапхананы дамыту, қолжазба құжаттарын сандықтау, ресурстармен алмастыру, әртүрлі көздерді және басқа да мамандандырылған салаларды қалпына келтіру, сатып алу, каталогтау, сақтау және қалпына келтіру сияқты тәжірибелер алмасады. Қолжазбаларды, баспа және әдебиет емес ақпарат көздерін және жаңа басылымдардың қол жетімді материалдарын қоса алғанда, кітапхана ресурстарының тізімін алмастыруға жағдай жасалады.

 

Сондай-ақ, халықаралық жобаның мақсаты  – қазақ халқының тарихы мен мәдениетін,  салт-дәстүрлерін, экономиканың қазіргі заманғы мемлекетінің жетістіктерін, саясатты, әлеуметтік саланы, классикалық және заманауи проза мен поэзияның әдеби байлығын дамыту.

 

Орталықта Қазақстан Республикасының Президенті Н.Ә.Назарбаевтың қызметі туралы, оның халықаралық саяси аренадағы рөлі, сондай-ақ белгілі қазақ жазушылары қазақ, орыс және ағылшын тілдеріндегі еңбектері туралы баяндалады. Барлығы 200-ден астам кітап кітапханаға сыйға тартылады. Әрине, бұл кітаптар оқырмандардың қызығушылығын тудырады және қазақ халқының мәдени құндылықтарына жақындауға ұмтылады.

 

2016 жылдан бастап Қазақстан Республикасының Ұлттық академиялық кітапханасы Шет елдердің ұлттық кітапханаларында қазақ әдебиеті орталықтарының ашылуына арналған халықаралық жобаны жүзеге асыруда.

 

Бүгінгі таңда әлемнің 29 елінде Корея, Қырғыз Республикасы, Финляндия, Венгрия, Ресей Федерациясы, Армения, Малайзия, Түркия, Қытай Халық Республикасы, Грузия, Франция, Жапония, Швеция, Македония, Болгария, Чехия, Италия, АҚШ (Ньюйорк көпшілік кітапханасы және Конгресс кітапханасы) Якутия республикасы, Чуваш Республикасы, Румыния, Иран, Аргентина, Бразилия, Удмуртия, Германия, Испания кітапханаларында орталықтар ашылып, жұмыс істейді.

 

Іс-шараның ашылу салтанатына М.В.Шевалков атындағы Ұлттық кітапхананың директоры Штанкова Светлана Кимовна, Астана қаласындағы ҚР Ұлттық академиялық кітапханасының орынбасары Мукатаева Жансұлу Қалиқызы, Алтай Республикасы Ел Құрылтай Мемлекеттік жиналыс комитетінің өкілдері, ЖОО студенттері, қазақ диаспорасы мен БАҚ өкілдері және т.б. қатысты.  


Бөлісу:
     
Пікір қалдыру:
Captcha
Жазба қосу