Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Блогтар
ТӘКАППАР ЕМЕС БҰЛ УАҚЫТ

БЛОГТАР

26 қараша 2021
1637
0

ТӘКАППАР ЕМЕС БҰЛ УАҚЫТ

Шашубай ШАЙМЕРДЕН

 

Арзанға көңіл арланды,

Тыңдамай өз ақылын.

Ноқталап жүріп арманды,

Сусыды уақыт ақырын.

 

Тротуар үсті жолаушы,

Оңға да солға өтеді.

Күн деген көзді бояушы,

Білдірмей қалыс кетеді.

 

Дүкенге толы көшелер,

Өкірген көлік, трамвай.

Астына картон төсенер,

«Бомж» да жатыр тұра алмай.

 

Жеткізбей ойың желеді,

Сан-саққа тартып қадамдар.

Соғылып көппен келеді,

Бақытын іздеп адамдар.

 

Тәкаппар емес бұл уақыт,

Өзіміз жүрміз түсінбей.

Қадырын білсең – сол бақыт,

Білмесең жәй бір түсіңдей.

2015

 


Бөлісу:
     
Пікір қалдыру:
Captcha