One of the reasons people in a vicious addiction - idleness. When he had tilled the land, engaged in trade, how could he lead an idle life?
Abay Kunanbayev

Home
Blogs
БАҚ ПЕНЕН ТАҚ

BLOGS

04 december 2021
279
0

БАҚ ПЕНЕН ТАҚ

Шашубай ШАЙМЕРДЕН

 

                   — Бақ  дегенім не деген сөз, қалай ұқсам болады? —

                   Сұрап жатыр балам менен, биыл онға толады.

 

                   — Егерде сен елді сүйсең, ел деп күйсең, тәніңді,

                   Жаныңды да құрбан етіп, ұқсаң күй мен әніңді.

 

                   Қарияға қамқоршы боп, қарап қора–малына,

                   Ел байлығын талақ етпей өз басыңның қамына.

                  

                   Ата салтқа басыңды иіп, жоғалтпасаң дәстүрін,

                   Оқу оқып, игеріп ап кәсіптердің әр түрін.

 

Ерінбестен еңбек етсең, үйің жанға толады,

                   Сонда балам, басыңа бақ өзі–ақ келіп қонады.

 

                   — Тақ  дегенім не деген сөз, оны қайда сатады?

                   Жиһаз ба бұл, қызмет пе, әлде неге жатады? —

 

                   — Тақ дегенің жұмыс орны ел басқарар адамның,

                   Ол адамды ел сайлайды, дәстүрімен бабаңның.

 

                   Күндіз түні ұйқы көрмей, халық қамын ойласа,

                   Әр адамның жүрегіне терең батып бойласа.

 

                   Бүкіл қазақ болмысының маңдайына шақ болар,

                   Ел аузында аңыз болып, өз басына бақ қонар.

 

                   Ал, кей бірі елді тонап, босқа тартса жазаға,

                   Билік үшін арын сатып, жала жапса тазаға.

 

                   Ел аузында жауыз болып, табалауға нақ болар,

                   Ондай адам нақұрыс боп, маңдайына  қақ қонар.

                   1995

                           

 

                       


Share:
     
Leave a comment:
Captcha